جنوبی پنجاب میں سردی کی نئی لہر متوقع، بارش کے امکانات معدوم
جنوبی پنجاب میں یکم فروری سے 4 فروری تک سردی کی شدت میں اضافے کی پیش گوئی کی گئی ہے۔ محکمہ موسمیات کے مطابق اس دوران خطے کے مختلف علاقوں میں درجہ حرارت نمایاں طور پر کم ہوسکتا ہے۔ بعض علاقوں میں کورا پڑنے کے بھی امکانات ہیں،
ماہرین موسمیات کا کہنا ہے کہ 4 فروری تک بارش کا کوئی امکان نہیں، جس کی وجہ سے سردی کی موجودہ لہر مزید شدت اختیار کرسکتی ہے۔ تاہم فروری کا مہینہ مجموعی طور پر بہتر گزرنے کے امکانات ہیں، جس سے روزمرہ زندگی کے معمولات بحال رہنے کی امید ہے۔
کسانوں کے لیے یہ صورتحال
خوش آئند سمجھی جا رہی ہے کیونکہ سرد موسم میں گندم اور دیگر فصلوں کی افزائش بہتر رہتی ہے۔ تاہم کورے کے باعث فصلوں کو ممکنہ نقصان سے بچانے کے لیے کسانوں کو احتیاطی تدابیر اختیار کرنے کی تاکید کی گئی ہے۔ زمینداروں کو مشورہ دیا گیا ہے کہ وہ پانی کے مناسب استعمال اور دیگر حفاظتی اقدامات کو یقینی بنائیں تاکہ فصلیں کورے کے منفی اثرات سے محفوظ رہ سکیں۔
شہریوں کو بھی مشورہ دیا گیا ہے کہ وہ سرد موسم کے دوران گرم کپڑوں کا استعمال یقینی بنائیں اور کورے کے دوران غیر ضروری سفر سے گریز کریں تاکہ حد نگاہ کی کمی کے باعث ممکنہ حادثات سے محفوظ رہا جا سکے۔
محکمہ موسمیات نے عوام کو مزید موسمی صورتحال سے باخبر رہنے کے لیے خبردار کیا ہے اور کسانوں کو فصلوں کے تحفظ کے لیے مزید رہنمائی فراہم کرنے کا وعد
ہ کیا ہے۔
